Google ADS

Guvernatori Mehmeti uron gjithë shqiptarët me rastin e 28 Nëntorit

17:07 | 27 Nëntor 2020
Arbresh.info

Guvernatori i Bankës Qendrore të Republikës së Kosovës, Fehmi Mehmeti u ka uruar të gjithë shqiptarëve kudo që gjinden, 28 Nëntorin – Ditën e Flamurit dhe Ditën e Pavarësisë së Shqipërisë.

Në mesazhin e urimit dërguar ambasadorit të Shqipërisë në Kosovë, Qemal Minxhozi, Guvernatori Mehmeti ka falënderuar shtetin shqiptar për ndihmën  e vazhdueshme që i ka dhënë Kosovës në të gjitha etapat e historisë.

“Shpreh mirënjohjen time dhe të Bankës Qendrore të Republikës së Kosovës për mbështetjen dhe ndihmën e pakursyer dhe shumëdimensionale, që Republika e Shqipërisë i ka dhënë Republikës së Kosovës dhe Bankës Qendrore të Republikës së Kosovës, në veçanti. Është kënaqësi për mua që t’ua uroj 28 Nëntorin – Ditën e Flamurit dhe Ditën e Pavarësisë së Shqipërisë, një ditë që na kujton sakrificën e shumë brezave që luftuan për të jetuar të lirë”, thuhet në mesazhin e urimit të Guvernatorit Mehmeti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm